झापा, १३ माघ २०८१ । झापाको दमकमा ७ जना जुवाडे पक्राउ परेका छन् । हिजो मध्यरातमा दमक– १० सेतुमारीस्थित खेतमा टिनको छानो भएको वरिपरि घेराबारा नभएको खुला गोठमा जुवा खेलिरहेका अबस्थामा उनीहरु पक्राउ परेका हुन् । पक्राउ पर्नेहरुमा उर्लाबारी नगरपालिका –९ का चारजना , दमक १० का दुईजना र काठमाण्डौका एकजना रहेका छन् ।
उनीहरुको साथबाट १६ थान कौडा र नगद १ लाख ७६ हजार ४९० रुपैयाँ बरामद भएको छ । उनीहरुलाई नियन्त्रणमा लिई आवश्यक कार्वाहीको लागि इलाका प्रहरी कार्यालय दमकमा राखिएको जनाइएको छ ।
