काठमाडौं, १७ मंसिर २०८१ । स्थानीय तहको रिक्त ४१ पदका लागि आइतबार भएको उपनिर्वाचनमा हालसम्म ३९ स्थानको नतिजा सार्वजनिक भएको छ ।
निर्वाचन आयोगका अनुसार अब हुम्लाको सर्केगाड गाउँपालिका उपाध्यक्ष र उदयपुरको बेलका नगरपालिका–९ को वडाध्यक्ष पदको नतिजा मात्रै आउन बाँकी छ ।
यी दुई स्थानमा मतगणना जारी रहेको र आजै राति अबेरसम्म नतिजा आइसक्ने गरी गणना भइरहेको आयोगका प्रवक्ता नीता पोखरेल अर्यालले बताइन् ।
