काठमाडौं, २९ चैत २०७९। काठमाडौं उपत्यका अपराध अनुसन्धान कार्यालयको टोलीले स्लोभाकिया पठाइदिन्छु भनेर रकम ठग्ने एक जनालाई पक्राउ गरेको छ । पक्राउ पर्नेमा पाँचथर फागुनन्द गाउँपालिका ३ का ४६ वर्षका एकराज नेम्वाङ रहेका छन् ।
नेम्वाङले विजय लिम्बुलाई स्लोभाकियाको कन्स्ट्रक्सन कम्पनीमा वेल्डिङ्गको काम गरेवापत मासिक २ लाख तलब हुने भन्दै प्रलोभन देखाइ १२ लाख रुपैयाँ लिएर सम्पर्क बिहीन भएका थिए ।
पीडितले वैदेशिक रोजगार विभागमा आफू ठगिएको उजुरी दिएका थिए । विभागले पक्राउ गरी पठाइ दिन कप्रहरीलाई पत्राचार गरेपछि उनी पक्राउ परेका हुन् ।
