झापा, १५ माघ २०८१ । नेपाल नर्सिङ दिवस, विभिन्न कार्यक्रम गरी मनाइँदैछ। नर्सहरूको पेशागत सुरक्षा र हकहितका लागि भन्दै २०१८ माघ १५ गते नेपाल नर्सिङ संघको स्थापना भएको थियो। संघकै स्थापना दिनको अवसर पारेर यो दिवस मनाउन थालिएको हो ।
संघले स्वास्थ्यमन्त्री प्रदीप पौडेलेको उपस्थितिमा आज वार्षिकत्सव मनाउँदैछ। नेपालमा प्रत्येक वर्ष सरदर ४ हजार नर्स थपिने गरेका नर्सिङ संघकी अध्यक्ष चन्द्रकला शर्माले जानकारी दिइन्। उनका अनुसार सरकारी तथा निजीस्वास्थ्य संस्थामा काम गर्ने नर्स कम पारिश्रमिकमा काम गर्नुपर्ने, पेशागतसुरक्षा नहुनेलगायतका कारण पछिल्लो समय विदेशिने क्रम बढेको छ ।
आफुहरुको पेशागत सुरक्षा र पारिश्रमिक वृद्धिका लागि पटकपटक आन्दोलन गरे पनि सम्बोधन हुन नसकेको नेपाल नर्सिङ संघको गुनासो छ। एक नर्सले ६ देखि बढीम ८ जना बिरामी हेर्नुपर्ने व्यवस्था विश्व स्वास्थ्य संगठनले गरेको छ। तर नेपालमा एक नर्सले ३० देखि ३५ जनासम्म बिरामी हेर्नुपर्ने बाध्यता रहेकोे अध्यक्ष शर्माले बताइन्।
