काठमाडौं, १५ फागुन २०७८ । स्वास्थ्य तथा जनसंख्या मन्त्रालयले अनुमति बिना सञ्चालनमा आएका स्वास्थ्य संस्थाहरुलाई कानून बमोजिम कारवाही गर्ने जनाएको छ ।
मन्त्रालयले आइतबार सूचना निकाली इजाजत नलिई सञ्चालित निजी, गैरसरकारी, सहकारी तथा गैरनाफामूलक स्वास्थ्य संस्थाहरु सञ्चालन भइरहेको प्रति मन्त्रालयको ध्यानाकर्षण भएको जनाएको हो ।
मन्त्रालयले जनस्वास्थ्य सेवा नियमावली २०७७ को नियम १२ अनुसार इजाजत नलिई सञ्चालित स्वास्थ्य संस्थाहरुलाई कानून बमोजिम कारवाही गरिने बताएको छ । स्वास्थ्य संस्था सञ्चालन तथा नवीकरणका लागि नियमावलीको परिच्छेद ४ तथा अनुसुची ९ बमोजिम मन्त्रालयको सम्पर्कमा आउन आग्रह गरिएको छ ।
